Мэдээ мэдээлэл

ММСУХ-НЫ ТӨЛӨӨЛӨГЧИД ОЛОН УЛСЫН ХУРАЛД ОРОЛЦЛОО

Бүгд Найрамдах Хятад Ард Улсын Адууны нийгэмлэг, Өвөрмонголын морин уралдааны холбоо, Шилийн гол аймгийн Ажил мэргэжлийн сургууль хамтран “Үндэсний уламжлал, морин уралдаан” Олон улсын эрдэм шинжилгээний хурлыг Өвөрмонголын өөртөө засах орны Шилийн гол аймагт энэ хавар зохион байгуулагдлаа

2016/09/13

Дундад улсад анх удаа болж байгаа энэхүү хуралд Монгол, Солонгос, Хятад улсын төлөөлөгчид оролцсон бөгөөд Монгол улсаас Монголын Морин Спорт Уяачдын Холбооны Ерөнхий нарийн бичгийн дарга П.Сэргэлэн тэргүүтэй хүмүүс оролцсон юм. Тэрээр хурлын гол илтгэлийг тавьсан бөгөөд “Монголын хурдан морины уралдааны хөгжил” сэдэвт тэрхүү илтгэл нь хуралд оролцогчдын сонирхлыг нэн их татсан юм. ММСУХ-ны ажлын албанаас Я.Болдбаатар, С.Мөнхдэлгэр , Нийслэлийн Морин Спорт Уяачдын холбооны дэд тэргүүн Х.Үүрцайх мөн спортын “Сүлд” телевизийн сэтгүүлчид оролцлоо.

 

 БНХАУ-ын тал Монголын морин уралдааны туршлага судлах, цаашид хамтран ажиллах талаар ярьж тохирлоо. Энэ үеэр хоёр тал хамтарч морин уралдаан зохион байгуулах, Монголын залуусыг хурдан морины эмчилгээ, эм зүйн чиглэлээр өмнөд хөршид сургахаар ярьж тохирлоо. Олон улсын энэхүү хуралд өмнөд хөршийн уламжлалт морин уралдаан хөгжсөн аймаг хошуудаас уяачид, хурдан морины зүтгэлтэн, эрдэмтэн судлаачид мал аж ахуйн мэргэжилтнүүд оролцсон юм.

Хуралд оролцсон төлөөлөгчид Монголын хурдан морины хөгжил, цаашдын хөгжлийн талаар ихээхэн сонирхож байсан бөгөөд Дундад улс Монгол улсын морьтнууд харилцан хамтран ажиллах үүд хаалга нээгдлээ.

 

Санал болгох
Уяачдын холбооны удирдах ажилтны III зөвлөлгөөн болов ММСУХ-ны удирдах ажилтны III зөвлөлгөөн өчигдөр Улаанбаатар зочид буудлын “Хөх асар" танхимд боллоо. Өглөөний 9 цагт эхэлсэн уг зөвлөлгөөнд 20 аймаг, Гачуурт дүүргийн “Гачууртын хурд”, Багануур дүүргийн “Багануур” дүүргийн уяачдын холбооны тэргүүн, нарийн бичгийн дарга нар хүрэлцэн ирж оролцов.
Увс аймаг байгуулагдсаны түүхт 90 жилийн ой , Баруун бүсийн хурдан их насны уралдааны албан ёсны цуваа 1.Төв аймгийн Жаргалант сумын уугуул Б.Гантөмөрийн сартай зээрд морийг уралдаанч хүү С.Төгөлдөр унаж түрүү магнайд хурдлууллаа
ММСУХ-ны 20 жилийн ойн баяр наадмын эрлийз доод насны албан ёсны цуваа Монгол Улсын Засгийн газрын тогтоолтой Монголын Спорт, Уяачдын Холбооны түүхт 20 жил, Дэлхийн дээд амжилт Гиннест бүртгүүлсний 2 жил, Уяачдын баяр наадмын хурдан эрлийз доод насны уралдаанд газар газрын шандаст хурдан 45 эрлийз доод нас уралдсан юм. Энэ жилийн Үндэсний их баяр наадам, Монгол Улсын Засгийн газрын тогтоолтой бүсийн хурдан морины уралдаанд түрүүлж, айрагдсан хурдан эрлийз доод насны морьд ирсэн байлаа.