Мэдээ мэдээлэл

ММСУХ-ны 2010 оны хэвлэл мэдээллийн шилдэгүүд тодорлоо.

- 2010 онд болсон олон уралдааныг шууд дамжуулан үзэгч түмэнд шуурхай хүргэж ММСУХ-той амжилттай хамтран ажилласан

- 2010 онд болсон олон уралдааныг  шууд дамжуулан үзэгч түмэнд шуурхай хүргэж ММСУХ-той амжилттай хамтран ажилласан “ТВ9 “телевиз
 -Монголын хурдан морины уралдаан, уяачдын талаар олон нийтлэл, сурвалжлагыг олон нийтэд хүргэж ММСУХ-той амжилттай хамтран ажилласан “Өдрийн сонин”
-  Монголын хурдан морины уралдаан, уяачдын гэрэл зургийг мэргэжлийн өндөр түвшинд авч, морины зурагт цомогийг хийж бүтээсэн гэрэл зурагчин Чулуунбаатарын  Ганболд
- Монголын хурдан морины уралдаан, уяачдын гэрэл зураг бүхий морины зурагт цомгийг хийж бүтээсэн. Монгол түмний морины их шүтээнийг бүтээх ажлыг зохион байгуулсан Өвөрхангай аймгийн “Аравгар хээр”  холбооны гүйцэтгэх захирал Ю.Үнэнбүрэн
- Хурдан морины “уяачийн алдар” сэтгүүлийг олон жил тогтмол эрхлэн гаргаж байгаа доктор Г.Төмөрхадуур
- Хурдан морины уралдааныг мэргэжлийн өндөр түвшинд зураглаж үзэгч олны ташаалд нийцсэн олон нэвтрүүлэг бэлтгэж  хүргэсэн    МҮОНТ-ийн зураглаач  Даваадоржийн Болорцэцэг нарыг ММСУХ-ны  2010 оны хэвлэл мэдээллийн шилдэг байгууллага, хүмүүсээр шалгаруулж холбооны хүндэт өргөмжлөл, дурсгалын зүйлийг гардуулав.

“Гайхамшигт Монгол” мориор өргөмжлөв. “Эх орноо 10394 км тойрсон гайхамшигт Монгол морь”-иор өргөмжлөн, шар торгон нөмрөг олголоо
2010 оны ММСУХ-ны шилдэгүүд тодорлоо ММСУХ жил бүр оны шилдгүүдээ шалгаруулж, сар шинийн босгон дээр олон нийтэд зарладаг уламжлалтай. Үндэсний морин уралдааныг хөгжүүлэх үйлсэд амжилт гарган бусдыгаа ажил үйлсээрээ манлайлсан уяач, гал уяа, салбар холбоо шилдэг ивээн тэтгэгчдийнхээ амжилтыг үнэлэн дүгнэж, ММСУХ-ны тэргүүлэгчдийн хурлаар хэлэлцэн шийдвэрлэдэг билээ. Монгол түмний шимтэн үздэг “Битүүний бөхийн барилдааны” үеэр Монгол бөхийн өргөөнд ММСУХ оны шилдэгүүдийн шагналаа гардуулдаг уламжлалтай. Энэ уламжлалын дагуу шагналыг УИХ-ын гишүүн, Монгол Улсын шадар сайд ММСУХ-ны Ерөнхийлөгч М.Энхболд, Ерөнхий нарийн бичгийн дарга П.Сэргэлэн нар гардуулна.