Мэдээ мэдээлэл

“Их хурд-8” уралдаанаар морьтны соёлыг гайхуулна

Монголын Морин Спорт уяачдын холбоо гурван жил тутам зохион байгуулдаг Монголын шигшмэл хурдан морьдыг шалгаруулах "Их хурд-8" уралдаанаа 2019 оны 07 дугаар сарын 20, 21-нд Хүйн долоон худагт зохион байгуулахаар тэргүүлэгчдийн хурлаараа шийдвэрлэсэн байна.

Монголын Морин Спорт уяачдын холбоо гурван жил тутам зохион байгуулдаг Монголын шигшмэл хурдан морьдыг шалгаруулах "Их хурд-8" уралдаанаа 2019 оны 07 дугаар сарын 20, 21-нд Хүйн долоон худагт зохион байгуулахаар тэргүүлэгчдийн хурлаараа шийдвэрлэсэн байна. Өмнөх уралдаануудыг нэг өдөрт багтаан хийдэг байсан бол энэ удаа Шигшмэл хурдан морьдыг шалгаруулах Их хурд-8 уралдаан, Монгол туургатны морьтны соёлын наадам гэсэн өргөн хүрээнд хоёр өдөр зохион байгуулах боллоо. Ингэхдээ Морьтны соёлын наадмыг сум, аймаг, улсын хэмжээнд гэсэн гурван үе шаттай зохион байгуулна.

ММСУХ -ны сумын салбар холбоод 2019 оны 70 дугаар сарын 05-07-ны өдөр сумынхаа морьтны соёлын наадмыг хийж шилдэг уран уургач бугуйлчаа шалгаруулах Адуучин тэмцээн болон морьтны жагсаал хийж, сайхан айраг, суран хэрэглэлийнхээ үзэсгэлэнг гаргах зэргээр сумын хэмжээнд зохион байгуулах аж. Сумаас шалгарсан нэг адуучин аймгийн аварга шалгаруулах Адуучин тэмцээнд оролцох бол шалгарсан гурван сайхан хос морьтон, нэг суран хэрэглэл үйлдвэрлэгчид ММСУХ-ноос Их хурд-8 уралдаан, Монгол туургатны морьтны соёлын наадамд шууд оролцох урилгыг гардуулах юм. 2019 оны 07 дугаар сарын 15-17-ны өдөр аймгуудын төвд Монгол туургатны морьтны соёлын наадмаа хийж, Аймгаас шалгарсан нэг адуучин Их хурд-8 уралдаан, Монгол туургатны морьтны соёлын наадмын шигшээ тэмцээнд оролцох юм.

Ингэснээр зуны дэлгэр цагт аялж яваа гадаад, дотоодын жуулчид аль ч сум аймагт очиход монголчуудын мянга мянган жилийн түүхтэй морьтны соёлыг үзэж баясах таатай боломж бүрдсэнээрээ үндэсний хэмжээний аялал жуулчлалын бүтээгдэхүүн болно гэж ММСУХ үзэж байна. Энэхүү ажлыг ММСУХ-ны сум, аймгийн салбар холбоод орон нутагтаа хариуцан зохион байгуулах гэнэ.

Ийн энэ удаагийн Их хурд уралдаанаар зөвхөн газар газрын хурдан хүлгийн шандас хурдыг хараад зогсохгүй адуучин залуусын ид хав, айрагны чимчигнэсэн амт, сайхан морьтой хос, морины эдлэл хэрэглэлийн ур хийц, чанар чансааг шагшин бахадсан Морьтны соёлын наадмаар сэтгэл оюунаа мялаах боломжтой болжээ.

Д.Ирмүүн

Соёолонгийн уралдаанд 99 хүлэг мордлоо Монголын морин спорт уяачдын холбооноос зохион байгуулж буй Г.Пунцагбалжир агсны нэрэмжит Төвийн бүсийн хурдан морины уралдаан  Хүй долоон худагт үргэлжилж байна. Өглөө эрлийз дунд, өдөр их насны морьд уралдсан бөгөөд одоо соёолон насны уралдаанаар үргэлжлэх гэж байна.
Тавантолгой ХК-ийн түүхт 50 жилийн ой “ГОВИЙН БҮСИЙН ХУРД-2016” уралдааны хурдан хязаалангийн албан ёсны цуваа 1. Дундговь аймгийн Хулд сумын уугуул Аймгийн Алдарт Уяач Нэргүйн Батжаргалын шарга үрээг уралдаанч хүү Эрхэмбаатарын Ширчин унаж түрүү магнайд хурдлууллаа 2. Дундговь аймгийн Хулд сумын уугуул Аймгийн Алдарт Уяач Сосорын Мөнхбатын хүрэн үрээг уралдаанч хүү Гансүхийн Энхболд унаж аман хүзүүнд хурдлууллаа
“Сэцэнханы хурд-2016” зүүн бүсийн уралдааны хурдан эрлийз дээд насны албан ёсны цуваа 1.Дорнод аймгийн Матад сумын уугуул Монгол Улсын Алдарт Уяач Бат-очирын Цэндбаатарын хээр үрээг уралдаанч хүү Г.Хүслэнбаяр унаж түрүү магнайд хурдлууллаа