Мэдээ мэдээлэл

Агуу шарга азарганд цол, уяач эзэнд нь алтан гэрэгэ гардууллаа

Монгол Улсын Тод манлай уяач Э.Эрдэнэчулууны уяж хурдлуулдаг, Б.Наранхүүгийн хурдан хурдан шарга азарганд ММСУХ-ний тэргүүлэгчдийн хурлын 2010 оны нэгдүгээр сарын 25-ний өдрийн 01/03 тоот тогтоолоор Морины эрхэм дээд цол олгохоор шийдвэрлэсэн билээ.

Энэ шийдвэрийн дагуу шарга азарганд “Амгалан төрийн ажнай шарга” цол олгож, уяач, эзэнд нь “Алтан гэрэгэ” хүндэт өргөмжлөлийг үүрд хадгалуулахаар тогтсон юм. ММСУХ-ны Ерөнхийлөгч М.Энхболд энэхүү эрхэм цол, Алтан гэрэгэ, Хүндэт өргөмжлөлийг Сар шинийн баярт зориулсан  хүчит бөхийн барилдааны үеэр Монгол Улсын Тол манлай уяач Э.Эрдэнэчулуун, Б.Наранхүү нарт хүндэтгэлтэйгээр гардууллаа. Алтан гэрэгэ дээр худам монгол бичгээр “Амгалан төрийн ажнай шарга азарга” хэмээн бичиж, алтан суурин дээр шигтгэн суулгаж, шилэн хоргонд байрлуулжээ.

"Дархан манлай түмний эх"

Хурдан Шарга азарга нь:

             2000 онд Улсын наадамд шүдлэндээ

            2002 онд Улсын наадамд соёолондоо

            2004 онд Улсын наадамд азарга

            2007 онд Улсын наадамд азарга

            2008 онд Улсын наадамд азарга

            2009 онд Улсын наадамд азарга тус тус түрүүлсэн

                        2000 онд Хангайн бүсийн уралдаанд шүдлэндээ

                        2002 онд Говийн бүсийн уралдаанд соёолондоо

                        2004 онд Их хурд-3 уралдаанд азарга

                        2004 онд Зүүн бүсийн уралдаанд азарга тус тус түрүүлсэн

                                    2000 онд Зүүн бүсийн уралдаанд шүдлэндээ гуравт

                                    2001 онд Улсын наадамд хязааландаа дөрөвт

                                    2003 онд Улсын наадамд азарга дөрөвт

                                    2007 онд “Их хурд-4”-д азарга аман хүзүүнд тус тус айраг

                                    тус тус айрагдсан байна.

Нийтдээ 2000-2009 оны хооронд улс, бүсийн уралдаануудад 10 удаа түрүүлж 4 удаа айрагдаж, үүнээс зөвхөн улсын наадам буюу Монгол төрийн их баяр наадамд 6 удаа түрүүлж 2 удаа айрагдсан, Монголын шигшмэл хурдан морьдын “Их хурд” уралдаанд 1 түрүүлж, 1 аман хүзүүдэн, бүсийн уралдаануудад 3 түрүүлж, 1 удаа айрагдаж Монголын хурдан морины уралдааны түүхэнд үнэмлэхүй дээд амжилт үзүүлсэн байна.

 

УЯАЧДЫН ШИНЭ ЖИЛ 2010-2011 ММСУХ-ны 15 жилийн ойн нэрэмжит Монголын уяачдын шинэ жилийн цэнгүүн 12 сарын 16 нд “ПАЛАС” зочид буудалд болно.
Ө.Пүрэвбаатар: СЭРВЭЭНИЙ ӨНДӨР ХЭМЖИХ ҮЙЛ ЯВЦЫГ ОРОН ДАЯАР ШУУД НЭВТРҮҮЛНЭ 2019 оны анхны бүсийн уралдааныг ММСУХ-ны Ерөнхийлөгч агсан Г.Пунцагбалжирын нэрэмжит байхаар тэргүүлэгчдийн хурлаас шийдвэрлэсэн. Энэ тавдугаар сарын 12-нд Хүйн долоон худагт болох уг төвийн бүсийн уралдаан шинэ журмын дагуу зохион байгуулагдаж буйгаараа онцлог. Нийгэмд хүлээлт үүсгэсэн энэхүү уралдааныг зохион байгуулах үүргийг ММСУХ-ны Дэд Ерөнхийлөгч, Тод манлай уяач Ө.Пүрэвбаатар хүлээжээ. Түүнээс цөөн асуултанд хариулт авлаа.
“ДОРНОД ТАЛЫН ХУРД 2014” зүүн бүсийн хурдан морины уралдаан амжилттай зохион байгуулагдлаа. Дорнийн шижир алтан талд унага болгон босоо төрж,Домогт ажнай хүлгийн буян өнө мөнхөд ивээж явах болтугай Хурай, хурай хурай….