Мэдээ мэдээлэл

ЭМГЭНЭЛ

МУАУ Б.Амарбаясгалан мөнх тэнгэрийн орноо бурхны хүлгэдийн уяаг тааруулахаар одлоо.

Монгол төрийн наадмын алтан шар зурхайд хүрэн халзан морио айрагдуулсан  цуут хүлгийн эзэн Монгол улсын алдарт уяач Бөөрөнхийн Амарбаясгалан мөнх тэнгэрийн орноо бурхны хүлгүүдийн уяаг тааруулахаар одлоо.

1969 онд Говь-Алтай аймгийн Бигэр суманд мэндэлсэн тэрээр 1988 оноос хурдан хүлэг морьдын сүүл шууж эхэлсэн юм. Улс, бүс, их хурд уралдаануудад гаргасан амжилтаараа Монгол Улсын Ерөнхийлөгчийн зарлигаар  2022 оны сар шинийн босгон дээр Монгол улсын алдарт уяач цолоор энгэрээ мялааж байлаа.

Ийнхүү хүлэг сайн мориныхоо хийморь лундаагаар монгол түмнээ цэнгүүлэгч, морин эрдэнийнхээ хөгжлийг түүчээлэгч алтай нутгийн хүүгээ алдсан гашуун өдрүүдэд гүнээ харамсахын зэрэгцээ Б.Амарбаясгалан таны үндэсний хурдан морины уралдааны хөгжилд оруулсан хувь нэмэр, хичээл зүтгэлийг тань үеийн үед дурсан санаж дээдлэхээ илэрхийлж байна.

Та минь мөнх тэнгэрийн орон Монголдоо дахин төрөөрэй.

Ум сайн амгалан болтугай.

МОНГОЛЫН МОРИН СПОРТ, УЯАЧДЫН ХОЛБОО

ММСУХ-ны 20 жилийн ойн баяр наадмын эрлийз дээд насны албан ёсны цуваа Монгол Улсын Засгийн газрын тогтоолтой Монголын Спорт, Уяачдын Холбооны түүхт 20 жил, Дэлхийн дээд амжилт Гиннест бүртгүүлсний 2 жил, Уяачдын баяр наадмын хурдан эрлийз дээд насны уралдаанд газар газрын шандаст хурдан 27 эрлийз дээд нас уралдсан юм. Энэ жилийн Үндэсний их баяр наадам, Монгол Улсын Засгийн газрын тогтоолтой бүсийн хурдан морины уралдаанд түрүүлж, айрагдсан хурдан Эрлийз дээд насны морьд ирсэн байлаа.
2017 Улсын цол гардуулах ёслолын ажиллагаа 2017 Улсын цол гардуулах ёслолын ажиллагаа
Хангайн бүсийн хурд-2009 уралдаанд 400 гаруй их нас тоосоо өргөлөө ММСУ-ын холбооны санал санаачлагын дагуу засгийн газрын шийдвэрээр улсын их баяр наадмын дараагаар болдог баруун, зүүн, төвийн бүсийн хурдан морьдийн уралдааныг өнөө жил Завхан, Баянхонгор, Дорнод аймагт тус тус зохион байгуулахаар болсон билээ.