ММСУХ-ны тэргүүлэгч гишүүд уулзалт ярилцлага зохион байгуулав.
ММСУХ-ны тэргүүлэгч гишүүд , МУ-н тод манлай уяачид 2009.11.20-ны өдөр уулзалт ярилцлага зохион байгууллаа.
Уулзалт ярилцлагын гол зорилго нь: шинээр зохион байгуулагдсан холбоо өнгөрсөн 1 жилийн хугацаанд хийсэн ажлаа дүгнэж,ирэх оны ажлын төлөвлөгөөтэй танилцаж,холбооны ажлын талаар санал,шүүмжлэл өрнүүлж,шинээр хийж бүтээх ажлын талаар санал солилцон зөвлөлдсөн уулзалт ярилцлага хийх явдал байв.
Уулзалт ярилцлагыг нээж ММСУХ-н ерөнхий нарийн бичгийн дарга П.Сэргэлэн холбооны 2009 оны ажлын товч тайланг хэлэлцүүлж,ирэх онд хийх ажлын төлөвлөгөө болон 2010 онд болох уралдаануудын саналыг танилцууллаа.
Холбооны тэргүүн дэд ерөнхийлөгч Б.Билэгдэмбэрэл, тэргүүлэгч гишүүд Ц.Батсайхан,Р.Буд ,М.Алтан-очир,Д.Төмөрбаатар
Г.Чинзориг, М.Ганхүү, Д.Цэрэнжигмэд ,Л.Цагаандалай ,Ц.Мэндсайхан,
М.Мөнхбаясгалан Тод манлай уяач Э.Эрдэнэчулуун,Ц.Дуламсүрэн нар олон шинэ ажил, санаачлагуудыг гаргаж цаашдын үйл ажиллагаандаа тусган ажиллахыг уриаллаа.
ММСУХ -г үүсгэн байгуулагч тэргүүлэгч гишүүн Г.Баттөмөр, холбооны зөвлөх ,түүхийн ухааны доктор А.Баярмагнай нарын зөвлөгөө арга туршлагыг сонсож,ахмад зүтгэлтнүүдийнхээ санал бодлыг хүндэтгэн ярилцжээ.
ММСУХ-ны тэргүүлэгчдийн ээлжит 4-р хуралдаан энэ 12-р сард болох бөгөөд уг хуралаар холбооны 2009 оны шилдэгүүдийг шалгаруулах бөгөөд улсын алдар цолны болзол биелүүлсэн уяачдыг тодруулах,ирэх онд болох уралдаануудын товыг хэлэлцэн батлах зэрэг олон чухал асуудалыг хэлэлцэн шийдвэрлэх юм байна.
