Мэдээ мэдээлэл

Францын Элчин сайд Ив Дэлүнэг “Эрдэнийн очир” одонгоор шагналаа.

Сүүлийн жилүүдэд Монголын морин спорт, уяачдын холбооны гадаад харилцаа цоо шинэ шатанд гарсан билээ. Тус холбооны ерөнхий нарийн бичгийн дарга П.Сэргэлэн, Ажлын албаны дарга Ч.Сарангэрэл нар Франц Улсаас Монгол Улсад суугаа Онц бөгөөд бүрэн эрхт Элчин сайд Ив Дэлүнэтэй ажил хэргийн уулзалт зохион байгууллаа.

Уулзалтын эхэнд ерөнхий нарийн бичгийн дарга П.Сэргэлэн Элчин сайдад ММСУХ-ны гадаад харилцааг өргөжүүлэх чиглэлээр хичээн ажилласанд талархал илэрхийлж, ММСУХ-ны бодлого, үйл ажиллагааны талаар товч мэдээллээ.

Мөн энэ үеэр дэлхийд жилд болдог дөрвөн том уралдааны нэг Арк де Триумфыг Сүлд телевиз цувралаар хүргэж, Францын морины соёлыг монголын үзэгчдэд сурталчилж эхлэсэн байгаа тухайгаа дуулган, Франц Улстай мал эмнэлэг, морин тойруулга, боловсон хүчин бэлтгэх адууны аж ахуйн чиглэлээр хамтран ажиллах хүсэлтэй байгаагаа илэрхийлэв.

 Элчин сайд Ив Дэлүнэ энэ жил хоёр улсын хооронд дипломат харилцаа тогтоосны 50 жилийн ой тохиож буйг онцлон тэмдэглээд хоёр орны харилцааны тэргүүлэх чиглэл болсон хөдөө аж ахуйн үйлдвэрлэлийн салбарт адууны чиглэлийг зонхилох байр суурьтай болгох, хурдан морины чиглэлээр бүх талаар хамтран ажиллагааны бүх салбарыг дэмжиж ажиллахаа илэрхийлсэн юм.

ММСУХ-ны Тэргүүлэгчдийн хурлын шийдвэрээр ММСУХ-ны гадаад харилцааг өргөжүүлэх чиглэлээр оруулсан хувь нэмрийг үнэлэн Ноён Ив Дэлүнэг ММСУХ-ны “Эрдэнийн Очир” одонгоор шагнасныг гардуулан түүнийг эх орондоо буцахтай нь холбогдуулан алд цэнхэр хадаг, мөнгөн аяганы хамт өргөн барьж амжилт хүслээ.

 

"Алтан морь" шагналын отгон эзэн тодорлоо ММСУХ-ны Алтан морь шагнал нь АМУХ-ны шилдэг морины зүтгэлтэнд олгодог дээд шагнал болж байгаа юм. 2014-оны 5 сарын 4 нд АМУХ-ны 35 -дугаар зөвлөгөөний үеэр гардуулахаар болсон.
МОНГОЛ УЛСЫН 2020 ОНЫ "ӨНДӨР ЧАНСААТАЙ УЯАЧИД" Монголын морин спорт, уяачдын холбооны Рейтингийн зөвлөлийн 2020 оны 12 дугаар сарын 21-ний өдрийн 2020/01 шийдвэрээр Монгол Улсын 2020 оны "Өндөр чансаатай уяачид"-ийг тодрууллаа.
Холбооны үйл ажиллагааг дэмжиж ажилласан хүмүүст талархал илэрхийлж байна. Монгол улсын Шадар сайд, ММСУХ-ны Ерөнхийлөгч М.Энхболдын урилгаар АМУХ-ны дэд ерөнхийлөгч, Олон улсын морин уралдааны холбооны гүйцэтгэх зөвлөлийн гишүүн Гай Сержант Монгол улсад 2011 оны 11-р сарын 20-24-нд 4 хоног айлчилсан билээ.